Find It in Kimberley - Politici misbruik leerders by Laerskool Schweizer-Reneke - AfriForum
Friday, 11 January 2019 14:48

Politici misbruik leerders by Laerskool Schweizer-Reneke - AfriForum Featured

Leerders van Laerskool Schweizer-Reneke is hergroepeer na 'n rasseherrie op sosiale media losgebars het. Leerders van Laerskool Schweizer-Reneke is hergroepeer na 'n rasseherrie op sosiale media losgebars het. Verskaf

Na aanleiding van die rasseherrie wat by die Laerskool Schweizer-Reneke losgebars het, het AfriForum politici veroordeel wat dié situasie onmiddellik vir eie gewin uitgebuit het sonder om eers die werklike agtergrond van die foto wat op sosiale media geplaas is, vas te stel.

Verskeie politieke partye – insluitend die EFF, ANC en DA – het reeds hul opinies gelug en die skool veroordeel sonder ’n deeglike ondersoek om die feite te bevestig. Die leerders is vir die partye se eie ideologiese doelwitte misbruik en aan traumatiese ontruiming blootgestel wat hulle in ’n onaanvaarbare posisie geplaas het.

Volgens Alana Bailey, uitvoerende adjunkhoof van AfriForum, is daar kanale in plek waardeur klagtes oor probleme by skole – insluitend rassistiese optrede – na behore ondersoek kan word en die nodige optrede kan volg. In hierdie geval, na aanleiding van een foto, is blote gevolgtrekkings en selfs dreigemente van geweldpleging gemaak. Dit is duidelik dat die welsyn van geeneen van die leerders enigsins deur die politici oorweeg is of as van belang deur hulle geag word nie en dat hul eerder op die vooraand van die verkiesing op eie politieke gewin fokus.

Bailey het gewys op ander foto’s wat weer aandui dat die klasgroep geroteer het en leerders van verskillende rasse ook saam by die lessenaars in die klas gesit het. “Ongeag die waarheid agter die storie – al die skool se leerders is getraumatiseerd, hulle onderrig is ontwrig en die gemeenskap is gepolariseer. Enige rasionele ondersoek van die feite en bevindings oor die agtergrondgebeure wat die foto’s voorafgegaan het, gaan gevolglik nou deur die emosionele reaksies oorskadu word. Dit gaan moeilik omkeerbare skade by baie laat, wat tragies is,” verduidelik Bailey.

AfriForum het gesê hulle is bereid om traumaberading op versoek aan enige van die betrokke leerders te verleen.

Read 453 times

Add comment


Security code
Refresh

 

booked.net

Don't have an account yet? Register Now!

Sign in to your account